芝仔鐘意咩類型o既男仔呢?


經過一年o既時間,

我對我o既 ideal男朋友o既要求唔同左啦!

所以,我要從新講過比你地知我鐘意

o既男仔類型!!

拿拿拿~~~!我絕對唔係o向度徵求男朋友!!!!

只係好多個net friend都問我鐘意邊類男仔,

咁我就趣趣地講下啦… :p

不過,通常女仔都係有類似o既要求啦,

你地咪當學下野lor~~~ =^.^=

(次序不分先後)

1) Gentleman

仍然,我覺得呢樣野係每個男仔都應該有o野,唔gentleman o既男仔,o向我心目中根本稱唔上係男仔啦! 咩係gentleman?例如:開門比女仔、讓女仔行先、請女仔食飯…等等,都算係gentleman啦!

2) Talkative

Talkative都係一種風度,男仔應該搵多D野同女仔講,唔好成日要個女仔諗話題…個女仔會覺得好大壓力同 好辛苦架!另外,千祈唔好扮COOL啦,如果太多 Dead air,個女仔會覺得同你一D都唔夾。

3) 冇壞習慣

壞習慣…例如:食煙、吸毒、勁講粗口、成日飲酒、成日落disco+pub、玩愛情遊戲、唔返學、成日群埋D飛 仔同黑社會…等等。男仔應該得閒打下波、打下機、唱下K…做一D有益身心o既活動!最好就做埋義工啦! 得閒陪亞爸亞媽去飲茶。皆因我特別欣賞一D孝順o既乖仔架~~~~!

4) 有主見、採取主動

Gentleman唔代表係比個女仔話晒事…所以,做一個男仔,一定要有主見。就例如:去邊度食、去邊度玩、 搭咩車…等等啦!

女仔做得主動多都唔馨香啦…如果鐘意o個個女仔,就多D約佢出街,如果唔係點知個女仔係咪鐘意你jek? 首先要比個女仔知你對佢有意思先得架,唔通要個女仔開口同你講佢鐘意你先咩?!

5) 有誠意

咩叫有誠意呢?即係要有planning同要成日放個女仔o向個心度(得閒買D禮物比個女仔lor)!

planning:要訂票、book位、去邊…

surprise:買小禮物、send email、寄信…

守時:約個女仔十點鐘,九點九就應該去到!

6) 懂得尊重人

即係話唔可以串女仔,就算o個個唔係你鐘意o既女仔,都應該就住黎串。不過,女仔就可以串男仔, 男仔 就唔可以小器… :>

7) 有耐性

可以等到女仔遲到,因為女仔要扮靚嘛!有時女仔心情不佳發下脾氣,如果唔係太無理取鬧,咁咪忍lor!就 算唔係自己錯,都認左錯先,再解釋,咁樣個女仔一定會覺得你好大量啦!

8) 忌婆婆媽媽

男性o既特性係剛強、瀟洒,至怕D女人型同埋拖泥帶水o既男仔!

9) 有學識

男仔冇錢都唔係最重要,但係一定要有common sense,令個女仔覺得可以o向你身上學到好多野!學業成績 唔洗好好,但係at least都要讀到中六啦!仲要有上進心,肯讀書,唔可以掛住玩!

10) 有財力

男仔同女仔出街,冇理由要個女仔請o既,最多只可以AA制~~~!行街、睇戲、食飯…呢D少不免架啦!所以 男仔要識得儲錢呀!

11) 外表

外表對我黎講的確唔係好重要,只要有FEEL就可以啦!不過,如果問我:「你個夢中情人係點架呢?」佢 要好似古天樂咁…唔洗太高、CUTE CUTE地、唔好白面、真誠o既眼神&笑容、最好GEL埋個頭、衣著整整 齊齊、乾乾淨淨、最好係載眼鏡(黑框)、唔可以長毛、唔可以染髮(深啡除外)。

12) 專一

同一時間一定唔可以鐘意多過一個女仔,咁樣實在太花心喇!如果你真係真心鐘意一個人,個心根本就唔會 容納到第二個人……。真正鐘意一個人,係全心全意架…就算行街都唔應該望其他女仔!:)

 

不過,而家就算有個真係有個合符晒以上要求o既男仔…

對我黎講都冇用啦~~~~~~~

點解?? hehe~~~ 因為我已經搵到一個冇人可以代替o既人…

就算你係幾好、幾叻、幾有錢、幾靚仔…

o向我眼中,都唔會比得上「你」!!=^v^=

(呢個只係暫時性o既ideal type,如果諗到新o既特質,我會隨時加上去架!)


FastCounter by bCentral

返回主頁