芝仔o既感情篇



FastCounter by bCentral

究竟…咩係「愛情」呢?

點樣先叫做愛一個人呢?或者…

我一個月芝前仲未芝道個答案,

但係,而家…我可以好肯定我已經芝道:

乜野係「愛」…同埋…

點樣去「愛」…。因為…你已經俾左個答案我。

呢個page就代表我個心…

以前所有發生過o既事…已經被我忘記得一乾二淨,

而家腦海中,只得一個人…

而只得呢個人…先值得我去愛…

o個個人,就係你……

 

時間真係過得好快呀…同你o既相識只不過唔夠一個月,就已經開始左…講真啦,初時…我真係好怕…我唔 敢相信……唔敢相信我已經可以得到你。相信…你所懷疑過、擔心過o既問題,我已經一早諗過…。究竟… 我…有咩值得你去鐘意呢?…到今時今日,雖然我仍然未搵到答案…但係,我都唔需要個答案,因為…我 已經唔再懷疑自己、唔再去懷疑你……只希望可以全心全意咁去愛、同去被愛。

如果要我講你,我真係唔芝由邊度開始講,因為每一件同你一齊做過o既事都太深刻,每一個時刻,我都希 望記低佢…不過,我唔會寫o向度,我已經將我同你一齊經歷過o既事…當作我同你芝間o既秘密…而呢D秘 密,我已經放左o向一個冇人可以窺探到o既地方…o個個地方,就係我o既記憶…我o既long term memory。

每一對拍拖o既戀人,都會好care對方點睇自己…你想唔想芝呢?我諗左好耐,o向呢個<<感情篇>>,我應該 點去稱呼你呢?…傻鴨、亞伯、stephen、矮仔熙、肥仔、ammonia、大矮仔、陳國熙、傻仔、新抱仔…到最 後…我冇揀到任何nickname…我選擇左用「你」。因為,冇人比你更加適合o向我o個homepage用個「你」字 黎形容,原因係…我心中只得一個「你」…已經唔需要再用任何代號喇,係咪?

o向我心目中,我覺得你係點架呢?……(係咪有少少緊張呢…?heheeh~~)…

1) 好吸引

唔單止你o既電眼~~~~你o既外表、你o既性格、你做o既所有野,對我黎講都好吸引。你o既缺點,o向我眼 中,已經變成左你o既優點…無論你做咩事,我都覺得你係完美o既。同你一齊o既時候,平時成日嘈喧巴閉 的芝仔,究竟喜歡上沉默……或者,我已經被你深深吸引住…我希望能從沉默中去感覺你

2)好cutie

cutie唔代表小朋友,小朋友o既定義係一個好鐘意玩、冇黎正經o既人…但係,o向你身上…我已經感覺唔到 你o既輕忽,反而…我感覺到o既係一份好強烈o既認真同細心。而cutie,只係指你o既性格,你好可愛,好 得人鐘意,你引導我用另一種方法去愛你:去錫你、去呵護你、去了解你。

3)好乖仔

我真係想像唔到一個男仔唔可以出夜街…雖然,對我地黎講,可能係一個restriction,甚至係一個obstacle。 但係,你令我更加珍惜同你渡過o既每一個夜晚,每一個時刻…而你乖仔、你孝順,就係令我更加欣賞你o既 地方…。

4)好擔心

唔好怪我成日擔心…我擔心o既原因只係因為我愛你,我唔止擔心你o既安全…我care你o既所有野。我更加 擔心o既係,我會冇左你。我唔係對你冇信心,但係我希望你明白,呷醋、妒忌…係女人o既天性,有一日, 當我對你冇左呢兩種感覺,我已經唔係而家o既我喇…。就算明芝你同佢係冇可能o既,我都好怕…係…我 小器……我可以為你作任何改變,唯獨係呢樣唔可以,永遠都唔會改變,因為…呢個係我愛你o既徵兆。

5)十全十美

其實…我已經唔洗再去mention我對你o既感覺,我而家只要做o既,係等你睇穿我…當你睇穿我o既時候, 我芝道你會盡你全力去令我開心,我芝你將會係一個十全十美o既男朋友…。

 

我對你o既睇法已經講完喇,唔講咁多啦,費事讚壞你呀!^v^跟住講乜野好呢?…hmhm…講下同你一齊時 候o既感覺啦…我覺得,無論去邊,只要你o向身邊,都會變得好浪漫…無論做D咩,只要同你一齊做,都 會覺得好開心,D時間會過得好快…真係好難形容,因為…你俾我o既感覺,從來冇人俾到我o既。我唔芝你 明唔明「鎖匙同門鎖」比喻你對我o既重要性,但係,個結論係…表面上,你唔可以冇左我,但係o向另一 方面黎睇o既時候,我更加需要你…因為,你係唯一一個依賴我,我就好似為你而生存。

我記得好俾左好多野你,到目前為止:三封信、一個校章、一張相、眼鏡布、我o既時間表、手鍊… 等等…。 唔芝點解我會俾咁多野你架…或者,係因為…我好想你快D睇穿我…好想俾晒屬於我o既野你,好想將 我自己都俾埋你…好想將所有世上最好o既野俾晒你。我只係好希望你會好好保存佢地,就好似你珍惜我一 樣咁珍惜佢地。而你送俾我o既所有野,我應承我會好好收藏,我會日日帶佢地返學,時時刻刻都陪住我, 好希望我個書包會一日比一日重…我要「咩」住你送俾我o既「burden」返學,我要做你個「carrier」!=^v^=

你成日問我「點算?」…我希望你會漸漸識得去思考…因為,有時你o既大腦唔可以教你做晒所有野架, 小腦都要分擔下架嘛!我冇理由話俾你芝我想你點,我更加冇理由話俾你芝我想要D乜野……因為我相信, 如果你真係愛一個人,你就可以不由自主咁做一D野去令對方開心……我想你自動黎愛我,並唔係想…我叫 你去愛我…明唔明個分別呀?

唔芝點解,我真係為你變左好多,例如:傾電話啦、好易飽啦、鐘意睇恐怖片啦、成日去亞廠度食飯啦…等 等…。不過,最大轉變o既係…我突然間變得好有耐性:等你…等你online、等你食lunch、等你去街、等你 放學…靜坐三個鐘織珠鏈仔、每晚至少花三至四個鐘「掂毛」…用左成個禮拜喇,我終於「掂」完喇,今次 都算係最有耐性o既一次喇,三個鐘一日、「掂」足七日…嘩~~~~成廿一個鐘呀!!係呀,我係亞婆黎架 嘛,又係第一次「掂」喎…係慢D架喇!你好叻咩?你試下「掂」下呀!!呢條「毛」真係我o既心血呀, 有血有汗架…你唔准嫌棄佢呀!

其實,你成日話自己冇用,又成日同我say sorry…但係我真係唔覺得你做錯喎…你芝架,就算你真係做錯 事,我都唔會嬲你架…我係有就你,但係你又何妨未就過我呢?你都為我改變左好多啦,寫信啦、做亞伯 啦、就我行得勁慢啦、成日唉你亞媽俾你去街啦、明芝俾亞媽鬧都要陪我啦……好多好多喎。所以,你 已經好叻仔架喇~~~~~~=^v^=總芝,一句講晒啦,如果你有心盡力去做,我已經心滿意足喇…我唔會難為你 架、我更加唔會迫你…我會體諒你。

愛情真係好奇怪,同你一齊o既時間真係唔長,但係個感覺已經好熟悉,好似一個識左好耐o既人咁。縱然 同你認識o既時間唔長,但係開始有咩事我都會同你講…(hehehe~~)開始有D咩好野,自己唔要都想俾左你 先,因為我漸漸發覺我愛你多於愛自己…

 

同你o既相緣,總算是一種緣份,

但願你能珍惜我…

珍惜呢段緣份……珍惜你自己…

這就是我最想你為我而做到o既事……………

我愛你!

 

 

 

返回主頁